Aftengdur

Fyrir nokkrum dögum byrjuðu flutningar, og þá var ég aftengdur við umheiminn, sími sjónvarp og net tekið úr sambandi og farið með búnaðinn í nýtt hús, og í dag á að reyna að tengja búnaðinn af fagmanni. En þar sem ég er nú kominn á sjóinn aftur hefur mér nú loksins tekist að lesa hér nokkur blogg og póst og er farinn að geta horft á sjónvarp. En hvað um það ,nóg var að gera í landi síðustu daga við að klára að sparsla og mála í nýja húsinu og svo gekk vel að flytja. Náði að sofa tvær nætur og svaf bara vel.

Farið var til hafs og hugmyndin að veiða makríl í bland við síld en hann er alveg horfinn og meirihluti af því litla sem fengist hefur er bara síld. Verður nú tekin smá törn á sjónum þar til farið verður í alvöru sumarfrí um 20 júlí.

Hér bíða menn spenntir eftir leiknum í kvöld, og ætla ég ekki að spá fyrir um úrslit  er alveg sama hverjir vinna, vona bara að annaðhvort þessara liða verði Evrópumeistarar.

 

Athugasemdir

[Guðný Anna Arnþórsdóttir, 26.6.2008 kl. 22:39]

Til hamingju með nýja húsið. Góðar stundir á sjónum.

[Jóhann Elíasson, 27.6.2008 kl. 20:40]

Til hamingju með nýja húsið, útskriftina hjá konunni og vonandi gengur vel á sjónum líka.

[Bjarney Hallgrímsdóttir, 29.6.2008 kl. 01:13]

Deutshland tekur þetta á morgun  annars ét ég hattinn minn ( hehe, á engan)

´Fór á leikinn á móti Þrótt og þeir (okkar strákar) voru bara að gera flotta hluti í fyrri hálfleik, en svo fór allt niður á við  Halldór viðbeinsbrotin, Hákon puttabrotin (brotnaði um morgunin og kom því ekki suður) og Hilmar varð eftir fyrir austan til að keppa með meistaraflokknum í dag (laug) Hann flaug svo suður í kvöld og verður með þeim á móti Njarðvík á morgun. Við Halldór brunum að sjáfsögðu suðureftir og verður klappliðið, og ég læt í mér heyra eins og alltaf  Þeir hljóta að taka þennan leik, eru orðnir hungraðir í sigur og hann kemur á morgun, trúi því. Njarðvík er á sama stað og við í deildinni, sem sagt ekki ofarlega en það fer nú vonandi að lagast

Sjúklingurinn minn var aðeins með strákunum seinni partinn, fór út að borða með þeim og kíkti svo í Laugardalinn á tónleikana, þannig að það er ´buið að vera nóg að gera hjá þeim

En góða veiði kallinn

kv. Badda Hælismatur

[Haraldur Bjarnason, 29.6.2008 kl. 17:39]

Til hamingju með nýja húsið karlæinn! - Hvar er það? ef maður rambar aftur á Eskifjörð.

[Hallgrímur Guðmundsson, 29.6.2008 kl. 17:43]

Til lukku með nýja húsið félagi.

Að sjálfsögðu vinna Spanjólarnir Torres sér um það, er það nokkur spurning, þarf nokkuð að ræða þetta meira ha?

[Sóley Valdimarsdóttir, 29.6.2008 kl. 22:19]

Til hamingju með húsið