Kristinn Grétar Rögnvarsson

14.5.2008 | 16:38

Hvað þýðir orðið að vera sjósprunginn?

Heyrði þetta orð í fyrsta skipti fyrir nokkrum árum hjá Páli Helgasyni frænda mínum, það þýðir að vera orðinn leiður eða þreyttur á að vera á sjó. Nú er ég allavega alveg að sjóspringa enda búinn að vera ansi mikið á sjónum í vor. Ætla nú að drulla mér í frí eftir sjómannadag svo ég sleppi við að springa alveg. Finnst þetta bara nokkuð gott nýyrði hjá Páli og það er ansi mikið notað hér um borð.

Þarf víst að fara að undirbúa mig í að flytja í nýja húsið, og reyna að koma hinu í leigu þangað til einhverjum þóknast að kaupa. Auglýsi hér með eftir leigjendum eða kaupendum Wink

Flokkur: Bloggar | Breytt s.d. kl. 16:44 | Facebook

Athugasemdir

flott nýyrdi hja frænda

Guðni Guðnason, 14.5.2008 kl. 21:07

Ertu alveg að punktera á sjónum Grétar minn, ekki gott og þá er einmitt gott að taka sér pásu.

Gott að svunturnar eru byrjaðar í sölu hjá þér - ég er þegar búin að selja 6 stk takk, Shell skálinn (Guðbjörg) tók 6 stk svo ekki sagði maður nú nei við því Náði í kassann á Flytjanda s.l föstudag og hann var ennþá úti í bíl á laug.morgun þegar ég fór að kaupa mér ,,nammi" og seldi bara svona í leiðinni... einu sinni sölumaður - alltaf sölumaður

Förum svo að fullum krafti í sölu á öllu draslinu þegar guttarnir í 10 bekk koma heim aftur úr skólaferðalaginu - og ég held áfram (byrja aftur) að undirbúa maraþonið og allt það sem þarf að gera - kjéllan komin í holyday og hef ekkert annað að gera

Dósasöfnun annað kvöld og ég talaði við Dengsa áðan, hann ætlar að vera með okkur Halldóri hérna í Dalnum, þeir betla dósið og ég keyri - 4 flokkur verður með okkur svo við verðum ekki nokkra stund að þessu.

En gangi þér vel á sjónum og vonandi finnið þið einhver kvikindi sem þið getið fangað - og geymdu það að punktera - það fer alveg að koma sjómannadagur - bara hálfur mán í það

Bjarney Hallgrímsdóttir, 14.5.2008 kl. 21:24

Já mikið held ég að þetta starf geti tekið á. Í mínum geira er talað um kulnun í starfi Kærar kveðjur til þín.

Sóley Valdimarsdóttir, 14.5.2008 kl. 21:52

Þú hefur nú hingað til haft ágætis sjóþol, .þannig að ég sé það ekki í hendi mér að þú sért að fara að sjóspringa...það eru nú aðrir sem sjá um það held ég

eddi (IP-tala skráð) 15.5.2008 kl. 13:38

Sat hann í stól sínum kallinn

og klóraði svoldið í punginn.

Í snarhasti sló hann í dallinn

nei helvítið er sjó-sprunginn.

Og þá er auðvitað ekkert að gera annað en drífa sig í land, er það ekki?

Haraldur Bjarnason, 15.5.2008 kl. 18:03

Þar er nú ekki skrítið að hann sé að vera sjósprunginn, náttúrulega kominn með gráa fiðringinn. Já nú er bara að skreppa í land og losa um spennuna.

Ólöf María Þorvaldsdóttir (IP-tala skráð) 16.5.2008 kl. 11:36

Maður getur alltaf huggað sig við það á sjónum að etir því sem dagarnir líða styttist alltaf í landstím.

Halli núna gengur illa að slá í dallinn.

Olla mín, er ekki frændi lika kominn með gráa fiðringinn hef nú trú á því.

Grétar Rögnvarsson, 16.5.2008 kl. 16:14

Já en það kemur. Annars vantaði eitt orð í neðstu línuna á leirburðinum. Hún á að vera svona: Nei helvítið, hann er sjó-sprunginn - Hafðu það gott

Haraldur Bjarnason, 16.5.2008 kl. 17:38

Þekki þennan fíling, það er að segja að fá upp í kok. Sjósprunginn er fínt orð. því miður bráir þetta helvíti af manni aftur og alltaf eru að koma dagar þar sem maður vildi helst vera á sjó. Í vetur var nóg að skoða veðurspánna til að löngunin hyrfi en það er verra nú á dögum þegar maður horfir á spegilsléttan sjóinn dag eftir dag.

Víðir Benediktsson, 16.5.2008 kl. 20:17