Allt er betra en ekkert

Ekki var hún stór viðbótin samt betri en ekki neitt, enda farið að styttast í vertíðinni, og styttist í hrygningu. Þetta segir manni bara það sem maður hefur alltaf vitað það er ekki hægt að mæla þennan stofn og verður aldrei. Siglum í kvöld höfum legið og beðið eftir þessu og að hrognin þroskist svo hægt sé að taka á Japan. Nú er verið að kreista úr farminum á aðra markaði sem gefa minna í aðra hönd. Held ég sleppi við að éta flíspeysuna mína eins og ég lofaði, en það kæmi mér ekki á óvart að meira yrði bætt við þá helst þegar flestir verða hættir á loðnu eins og í fyrra.

Leggja til aukningu loðnukvóta

Athugasemdir

[Haraldur Bjarnason, 3.3.2008 kl. 13:44]

Já Grétar ekki var það stórt en svo sem ekki við öðru að búast eftir það sem á undan er gengið, menn fara ekki að éta neitt ofan í sig svona í snarhasti. Fyrir alla muni farðu ekki að éta helvítis flísið, mun skárra að éta prjónahúfu. Hitt er bara úr plasti unnið úr einhverjum gömlum kókflöskum. - Góða ferð á miðin.

[Grétar Rögnvarsson, 3.3.2008 kl. 13:58]

Nei ætli maður éti bara nokkuð annað en það sem maður er vanur, nei þeir éta sko ekkert ofan í sig fræðingarnir, en bara samt nokkuð merkilegt hvað hefur komið út úr nöldrinu í okkur skipstjórum og fleirum í þetta skipti.

[Bjarney Hallgrímsdóttir, 3.3.2008 kl. 23:16]

Já, lítið er betra en ekkert  (gæti verið gamall málsháttur)

En mikið er ég fegin að þú þurfir ekki að éta hel... flíspeysuna

Og að lokum, það hlaut að koma að því að þessir ,,sérfræðingar" hlustuðu á ykkur sjómenn, þeir fundu heldur ekki loðnuna fyrr en tveir loðnuskipstjórar fóru með þeim og sýndu hvar þessi litlu kvikind héldu sig...  svo það marg borgar sig að nöldra...