Bræla og aftur bræla.

Enn og aftur bræla liggjum nú inn á Tvoroyri sem er 2000 manna bær á Suðurey sem er syðsta eyja Færeyja. http://www.tvoroyri.fo/  Komum á miðin og náðum einu löngu hali 300 tonn og þá var farið að vinda og fengum við mjög vont veður á leið hér í var, veður hæð komst í 38 m/s, gluggi á eldhúsi kokksins brotnaði og sjór flæddi inn enginn varð fyrir glerinu sem betur fer.

Liggjum hér inn á Tvoroyri sem er fæðingabær Sigurdar Joensen stórbryta, en héðan flutti hann til Íslands 12 ára gamall,  í tilefni komu okkar til bæjarins bauð brytinn okkur út að borða í gærkveldi á hótel bæjarins þar sem boðið var upp á neytabúffur og tilbehorende. Síaðn var brytinn nátturlega í heimsóknum hjá skildmennum í gær en hér á hann 3 móðursystur og mikið að skyldfólki.

Verðum hér þangað til veðrið lagast en þá verður reynt aftur við (Svartkjaftinn) Kolmunann. Það sem vakti athygli manns hér í gær í ökuferð um bæinn var að rollur voru á beit í nánast hverjum garði, heimilislegt það og er ég að hugsa um að fá mér 2-3 til að bíta gras úr mínum garði. Síðan er alltaf jafn skrýtið að sjá nýbyggð hús með torfþaki, en það er víst mun dýrara en venjulegt þak.

Bestu kveðjur til allra Eskfirðinga sem ætla að blóta þorra í kvöld í en við verðum víst víðsfjarii. Góða skemtun og skál.

Athugasemdir

[Hallgrímur Guðmundsson, 27.1.2008 kl. 14:13]

Það er alltaf gaman að koma til Færeyja, þvílíkir höfðingjar heim að sækja. Ég sé að þú er lagður á stað á miðin félagi, vonandi fer tíðarfarið að lagast þetta er eiginlega orðið ágætt í bili með þessar brælur. Hér á klakanum blæs duglega þessa dagana, ég held svei mér þá að guðirnir séu að mótmæla lygaráðstefnu Hafró sem er haldin þessa helgi.

[Bjarney Hallgrímsdóttir, 30.1.2008 kl. 10:24]

Þakka þér Grétar, blótið var fínt og leiðinlegt að þið skylduð missa af því... en hér á Esk er sko ekki bræla, það er nú bara blíðan og bæirnir allt í kring...ættuð bara að koma ykkur heim Nei annars, það verða einhverjir að færa björg í bú... en gangi ykkur vel...