Er fyrifram ákveðið að finna enga loðnu?

Skyldi nú vera að menn hefðu engan áhuga á að finn loðnuna, allavega virðist áhuginn hjá Hafró ekki vera mikill, skipið ekki komið út í byrjun árs og einhvernvegin finnst manni þetta gert með hangandi hendi og menn ansi tjániga glaðir strax. Það er ekkert nýtt að lítið sjáist af loðnu í janúar og hefur oft skeð að nánast ekkert hefur sést, hef sjálfur upplifað það í nokkur skipti. Menn vita ekkert hvað er til að þessum fiski og hafa aldrei vitað, einhverjar mælingar gerðar  sem stundum virðast lukkast, en annar hanahófs kenndar í meira lagi. Við vitum það sem þessar veiðar hafa stundað að stundum sést mikið og stundum ekki  neitt.

En aðeins af mínum ferðum, erum nú á landleið til Eskifjarðar með 2100 tonn af Kolmuna sem við fengum suður að Færeyjum í 5 holum sem gáfu 350-500 tonn hvert, sem telst ágætis veiði. Vorum beint suður af eyjunum suður undir Skosku landhelginni. Vorum næst Hebrideseyjum þegar við vorum næst landi en þær eru vestur af Írlandi þangað voru 85 sml þegar styst var og þá 100 mílur í Færeyjar og 380 mílur til Eskifjarðar. Ferðin heim sækist frekar seint vegna veðurs enda báturinn þungur í sjó og hér eru NV 15-20 m/s, erum nú þegar þetta er skrifað um 30 sml vestur af Myggenesi í Færeyjum sem er vestasti hlut eyjanna, væntanlegir til Eskifjarðar um miðjan dag á morgun. Til fróðleiks, Kolmuni, Svartkjaftur Færeyska, Sortemund Danska, Bluewhiting Enska.

Athugasemdir

[Bjarney Hallgrímsdóttir, 19.1.2008 kl. 18:03]

Þeir hafa nú ekki verið að stressa sig mikið hingað til þarna hjá Hafró, það er því miður ekkert nýtt og spurning hvort það kemur nokkurn tíma til með að breytast

En annars velkomin heim  og takk fyrir tungumálakennslu, alltaf er maður að læra eitthvað nýtt vissi reynar um svartkjaftinn en ekki hitt tvennt.

Næst kemur þú með þýðingu á loðnu takk...

[Erna (IP-tala skráð) 20.1.2008 kl. 19:48]

Já skemmtilegur fróðleikur þetta...en annars vissi ég þetta og líka hvað aðrar fisktegundir eru kallaðar á hinum ýmsu tungumálmum..því þegar maður var að vinna við að stimpla öskjur í frystihúsinu heima í denn þá var maður oft orðinn það heiladauður að maður var farin að lesa allt sem stóð á öskjunum En það sniðuga við það er að þessi fróðleikur sem ég aflaði mér þarna hefur nýst mér í núverandi starfi þegar ég hef þurft að aðstoða fiskútflytjendur við markaðsetningu á erlendum leitarvélum og þá get ég þulið upp fyrir kallana öll heytin á fisknum á ensku sem eru svo notuð

[Grétar Rögnvarsson, 22.1.2008 kl. 17:43]

Kominn heim og farin aftur gaman gaman bræla bræla.

Badda loðna lodda færeyska capelin enska,

Já Erna mín þú ert svo gáfuð þegar fjallað er um fisk hef alltaf vitað það, svo stoltur af þinni fiskifræði og fiskifáfum

[Guðný Anna Arnþórsdóttir, 25.1.2008 kl. 21:43]

Kæri Eskfirðingur á miðunum; ekki amalegt að fá miðin og miðju alheimsins svona beint í æð. Hvílík forréttindi, - eiginlega vild´eg alveg vera á bátnum * með þér....! Góðar kveðjur úr fundafargani og hríðarkófi í Reykjavík.

* = má annars ekki segja bátnum....?